Unacceptable behaviours on public transport
တၢ်သကဲာ်ပဝးတဖၣ် လၢတၢ်တူၢ်လိာ်အီၤတသ့ ဖဲကမျၢၢ်တၢ်ဝံစိာ်တီဆှၢအပူၤ
ပသးအိၣ်လၢ နကတူၢ်ဘၣ် လၢအပူၤဖျဲးဒီးတၢ်ဘၣ်ယိၣ် ဖဲနလဲၤတၢ်က့ၤတၢ်ဒီး ဝံၣ်ထိရံယါ ကမျၢၢ်တၢ်ဝံစိာ်တီဆှၢအခါန့ၣ်လီၤ. ပမၤသကိးတၢ်ဘူးဘူးတံၢ်တံၢ် ဃုာ်ဒီး ဝံၣ်ထိရံယါ ပၢၤကီၢ် ဒ်သိးကမၤလီၤတံၢ် တၢ်လဲၤတၢ်က့ၤ လၢအပူၤဖျဲးဒီးတၢ်ဘၣ်ယိၣ် ဒီးအဘံၣ်အဘၢ လၢပှၤကိးဂၤအဂီၢ်န့ၣ်လီၤ.
နမ့ၢ်လဲၤခီဖျိဘၣ် မ့တမ့ၢ် ထံၣ်ဘၣ် မုၣ်ခွါသွံၣ်ထံးတၢ်ရ့လိာ်တၢ်သကဲာ်ပဝး လၢတၢ်တဘၣ်သးအီၤ မ့တမ့ၢ် တၢ်ထီဒါပှၤဂ့ၢ်ဝီ တၢ်ရ့လိာ်မုာ်လိာ် အတၢ်သကဲာ်ပဝးတဖၣ် ဖဲကမျၢၢ်တၢ်ဝံစိာ်တီဆှၢအပူၤ, ဒီးတၢ်အံၤဟ့ၣ်နၤတၢ်တူၢ်ဘၣ် မ့ၢ်တမုာ်ဘၣ်န့ၣ်, ပာ်ဖျါထီၣ်အီၤတက့ၢ်.
တၢ်သကဲာ်ပဝးတနီၤန့ၣ် တၢ်တူၢ်လိာ်အီၤတသ့ ဖဲကမျၢၢ်တၢ်ဝံစိာ်တီဆှၢအပူၤ
တၢ်သကဲာ်ပဝးလၢ အဒုးတူၢ်ဘၣ်နၤ မ့တမ့ၢ် ပှၤအဂၤတဖၣ် လၢတၢ်မၤပျံၤမၤဖုး, တၢ်လီၤပျံၤလီၤဖုး, မ့တမ့ၢ် တၢ်တူၢ်ဘၣ်တမုာ် သ့ၣ်တဖၣ်အံၤ တၢ်တူၢ်လိာ်အီၤ ဖဲကမျၢၢ်တၢ်ဝံစိာ်တီဆှၢအပူၤတသ့ဘၣ် ဒီးတၢ်ကြၢးပာ်ဖျါထီၣ်အီၤ ဆူပၢၤကီၢ်အအိၣ်န့ၣ်လီၤ.
တၢ်သကဲာ်ပဝးတနီၤန့ၣ် တၢ်တူၢ်လိာ်အီၤတသ့ ဖဲကမျၢၢ်တၢ်ဝံစိာ်တီဆှၢအပူၤ ဒီးတၢ်ပာ်ဖျါထီၣ်အီၤ ဆူပၢၤကီၢ်အအိၣ်သ့တဖၣ်*
မုၣ်ခွါသွံၣ်ထံးတၢ်ရ့လိာ် အတၢ်သကဲာ်ပဝးလၢ တၢ်တဘၣ်သးအီၤ အဒိတဖၣ် ပၣ်ဃုာ်ဒီး
- ကိးပယွဲတၢ်လၢကလုၢ်ဖျၢၣ်ကလုၢ်သွါ, ကတိၤဟ့ၣ်တၢ်ထံၣ် မ့တမ့ၢ် ပာ်ဖျါထီၣ်နီၢ်ခိက့ၢ်ဂီၤ လၢအဘၣ်ထွဲဒီး မုၣ်ခွါသွံၣ်ထံးတၢ်ရ့လိာ်
- တၢ်သံကွၢ်ဆူၣ်သံကွၢ်စိးတၢ် မ့တမ့ၢ် ကတိၤတၢ်လၢ မုၣ်ခွါသွံၣ်ထံးတၢ်ရ့လိာ်အတၢ်အိၣ်သး
- ဆၢထၢၣ်ဘူးတလၢ မ့တမ့ၢ် နုာ်လီၤဆူၣ်န့ၢ် ဆူနီၢ်ကစၢ်တၢ်လီၢ်တၢ်ကျဲအပူၤ
- "ဒိဟုၣ်န့ၢ်တၢ်ဂီၤ တၢ်ဂီၤမူလၢကူသိးအဖီလာ်" မ့တမ့ၢ် ဒိးန့ၢ်တၢ်ဂီၤ လၢပှၤတဂၤဂၤ အတၢ်ကူတၢ်သိးအဖီလာ်
- ဆီၣ်တံၢ် မ့တမ့ၢ် ဖူးလဲး ပှၤတဂၤဂၤ
- တၢ်ထိးဘၣ်ပှၤအဂၤတဂၤ လၢတအိၣ်ဒီးတၢ်ဟ့ၣ်ပျဲ
- တၢ်ကွၢ်နဲၣ်ဖျါ/ပာ်ဖျါထီၣ် မုၣ်ခွါက့ၢ်ဂီၤတဖၣ်တၢ်ဘ့ၣ်ဆ့တၢ်ဂီၤမူ လၢကမျၢၢ်ကျါ
- ဆှၢ မ့တမ့ၢ် ဒုးနဲၣ် မုၣ်ခွါသွံၣ်ထံးတၢ်ဂီၤတၢ်ဖီၣ်လၢ အဖျါလီၤရၢၢ် ခီဖျိ လီတဲစိ
- လူၤကစီၤကွၢ်ဟုၣ်တၢ်
- မုၣ်ခွါသွံၣ်ထံး တၢ်မၤတရီတပါ.
တၢ်ထီဒါပှၤဂ့ၢ်ဝီ တၢ်ရ့လိာ်မုာ်လိာ် အတၢ်သကဲာ်ပဝးတဖၣ် အဒိတဖၣ် ပၣ်ဃုာ်ဒီး
- ကလုၢ်သီၣ်ဒိၣ် ဒီးတၢ်မၤတံာ်တာ်ပှၤသး အတၢ်သကဲာ်ပဝး
- တၢ်ကတိၤတရီတပါ
- တၢ်မၤပျံၤမၤဖုးတၢ် အတၢ်သကဲာ်ပဝး
- တၢ်မၤပယွဲတၢ် ဒီးတၢ်တၢ်မၤပျံၤတၢ်
- တၢ်မၤဟးဂီၤတၢ်
- တၢ်မၤဟးဂီၤ ကမျၢၢ် မ့တမ့ၢ် နီၢ်ကစၢ်အတၢ်ဖိတၢ်လံၤ.
အကျိၤအကျဲလၢပှဲၤဒီးတၢ်ကူၣ်တၢ်ဆး လၢတၢ်ကပာ်ဖျါထီၣ် တၢ်သကဲာ်ပဝးလၢတၢ်တဘၣ်သးအီၤအဂီၢ်
နမ့ၢ်ထံၣ်ဘၣ် မ့တမ့ၢ် လဲၤခီဖျိဘၣ် တၢ်သကဲာ်ပဝးသ့ၣ်တဖၣ် တခါလၢ်လၢ်န့ၣ်, နပာ်ဖျါထီၣ်အီၤ ပှဲၤဒီးတၢ်ကူၣ်တၢ်ဆး ဆူပၢၤကီၢ်အအိၣ် ခီဖျိ STOPIT, တၢ်ကွဲးဆှၢလံာ်ကွဲးဖုၣ် အတၢ်ဒုးဘိးဘၣ်သ့ၣ်ညါ လၢတမ့ၢ်ဂ့ၢ်ဂီၢ်အူ သ့ဝဲန့ၣ်လီၤ. ကွဲးဆှၢထဲဒၣ် ‘STOPIT’ ဆူ 0499 455 455 တက့ၢ်.
တိၢ်နီၣ် - STOPIT န့ၣ် တမ့ၢ်တၢ်ဒုးသ့ၣ်ညါ လၢတၢ်ကွၢ်ထွဲအီၤ တကတီၢ်ဃီဘၣ်အဃိ, နမ့ၢ်လီၤဘၣ် လၢတၢ်ဘၣ်ယိၣ်အပူၤန့ၣ်, ကိး ဝးသၢဖျၢၣ် (000) တက့ၢ်.
တၢ်ကွဲးဆှၢလံာ်ဖုၣ်အံၤ မၤစၢၤပၢၤကီၢ် ဒ်သိး ကပာ်ပနီၣ် ဒီးဖီန့ၢ်ပှၤမၤကမၣ်တၢ်ဖိတဖၣ်အဂီၢ်လီၤ. ပၢၤကီၢ်ကဃိထံသမံသမိး တၢ်ကဲထီၣ်သး လၢတၢ်ပာ်ဖျါထီၣ်အီၤ လၢအဟဲခီဖျိသးလၢ STOPIT, ဒီးပှၤမၤကမၣ်တၢ်တနီၤန့ၣ် တၢ်ဟံးန့ၢ်တၢ်ကမၣ်သ့ဝဲန့ၣ်လီၤ.
သ့ၣ်နီၣ်လၢ နကပၢၤဃာ် STOPIT လီတဲစိနီၣ်ဂံၢ် လၢနလီတဲစိအပူၤ ဖဲနၤ မ့တမ့ၢ် ပှၤလၢနသ့ၣ်ညါအီၤတဂၤဂၤ မ့ၢ်လိၣ်ဘၣ်အီၤလၢ ခါဆူညါအဂီၢ်တက့ၢ်.
ထၢနုၥ်ဘၣ် STOPIT လၢနလီတဲစိအပူၤ
တၢ်ပာ်ဖျါထီၣ်တၢ်ဂ့ၢ် ဆူ STOPIT န့ၣ် ချ့ ဒီးညီဝဲန့ၣ်လီၤ
ကျိာ်အဂၤတဖၣ်
အဲကလံးကျိာ် မ့တမ့ၢ်၀ဲနကျိာ်အဆိကတၢၢ်တကျိာ်န့ၣ်, STOPIT တၢ်ဂ့ၢ်တၢ်ကျိၤအမ့ၢ်အတီ လံာ်ကဘျံးပၤတဖၣ်အံၤ တၢ်ဒိးန့ၢ်အီၤသ့ လၢကျိာ်လၢလာ်တဖၣ် ဒီးဒုးနဲၣ်ဖျါထီၣ် တၢ်ဂ့ၢ်တၢ်ကျိၤ ဘၣ်ဃး တၢ်ကဘၣ်ဘိးဘၣ်သ့ၣ်ညါပၢၤကီၢ် ခီဖျိ တၢ်စူးကါ STOPIT တၢ်တိစၢၤမၤစၢၤ ဒ်လဲၣ်န့ၣ်လီၤ.
- العربية - Arabic
- دری - Dari
- ကညီကျိာ် - Karen
- ខ្មែរ - Khmer
- 한국어 - Korean
- ਪੰਜਾਬੀ - Punjabi
- 简体中文 - Simplified Chinese
- 繁體中文 - Traditional Chinese
- ไทย - Thai
- Türkçe - Turkish
- Tiếng Việt - Vietnamese
*တၢ်အဒိလၢတၢ်ပာ်ဖျါအီၤဖဲအံၤတဖၣ်န့ၣ် မ့ၢ်တၢ်သကဲာ်ပဝးအကလုာ်ခဲလၢာ် လၢတၢ်ပာ်ဖျါထီၣ်အီၤ လၢဝံၣ်ထိရံယါပၢၤကီၢ် STOPIT တၢ်တိစၢၤမၤစၢၤအအိၣ် သ့ဝဲန့ၣ်လီၤ.
နၤ မ့တမ့ၢ် ပှၤလၢနသ့ၣ်ညါအီၤတဂၤ မ့မ့ၢ်ပှၤတူၢ်ဘၣ် မုၣ်ခွါသွံၣ်ထံးတၢ်ရ့လိာ်လၢတၢ်တဘၣ်သးအီၤ အတၢ်သကဲာ်ပဝး လၢကမျၢၢ်တၢ်ဝံစိာ်တီဆှၢအပူၤန့ၣ်, တၢ်ဆီၣ်ထွဲၤမၤစၢၤအတၢ်ကွဲးဖျါ လီၤတံၢ်လီၤဆဲးအံၤ တၢ်ဒိးန့ၢ်အီၤသ့ ဖဲSupport and resources for sexual offences and child abuse page န့ၣ်လီၤ.
ကျိၤကျဲအဂၤတဖၣ် ဒ်သိးပကပၢၤဃာ်ပှၤလဲၤတၢ်က့ၤတၢ်ဖိ လၢကပူၤဖျဲးဒီးတၢ်ဘၣ်ယိၣ်အဂီၢ်
ဃုသ့ၣ်ညါဘၣ်ဃး ပမၤသကိးတၢ်ဒီး ဝံၣ်ထိရံယါပၢၤကီၢ် ဒီးဝံၣ်ထိရံယါ တၢ်ဝံစိာ်တီဆှၢပှၤဘၣ်မူဘၣ်ဒါတဖၣ် ဒ်သိးကပၢၤဃာ်နၤ လၢကပူၤဖျဲးဒီးတၢ်ဘၣ်ယိၣ်ဒ်လဲၣ် ဖဲSafety you can see - Public Transport Victoria တက့ၢ်.
ဆူညါတၢ်ဂ့ၢ်တၢ်ကျိၤဘၣ်ဃး တၢ်ပူၤဖျဲးဒီးတၢ်ဘၣ်ယိၣ်အဂီၢ်န့ၣ်, နုာ်လီၤကွၢ်ဲဖဲ-Travelling safely - Public Transport Victoria တက့ၢ်.
